[سجل معنا ليظهر الرابط]
بسم الله الرحمن الرحيم
اللهم صل على محمد وعلى آله وصحبه أجمعين

الطفلة الصغيرة

رسمت شجرة لونتها بنى و أخضر

و شمس مدورة ملتها باللون الأصفر


و فضلت ترسم


بيت و سحابة

ولاد ..........و بـنـــات فى كل مكــــان

زهور .....بحور .....فانوس رمضان


عمالة ترسم

ترسم و تلون بالألون

وتمر سنين و البنوتة تكبر

جواها حب كبير

بس مين يحسه و مين يشوف

كانت دايما تقول للى تشوفه مستكبر

اللى يشوف حاله على ناسه مسيره يحس الخوف

هيروح بعيد عند ناس ناسى مين كان الأساس

و اللى مايقدر أساسه عند الغريب ينداس


و الصبية ترسم و تقول

يمكن أحلامها تنول

يمكن حاجة تتغير و تعمل المستحيل

عارفة العمر قصير لكن بالها طويل

و رسمت

هرم حاضن قمر و .......نيل

زهور....... نخيل .......و ليل


و لونتهم


ورسمت بيت وسحابة

بنات و أولاد



و شخبطتهم بالسواد





شافت الألوان كذابة

ما هى كبرت مش صغيرة

شافت أحلامها متغيرة

ياريت أيامها ما مرت

ياريت فضلت صغيرة

ياريتها ماكبرت

و شافت الهم

قررت الاعتزال

لما حلمها ضاع

و فى رسمة الوداع

كانت رسمتها لون الدم
[سجل معنا ليظهر الرابط]

[سجل معنا ليظهر الرابط]