بسم الله والصلاة والسلام على رسول الله وبعد
هيا نتخيل
تيجي نتخيل أنا وأنت وأنتي؟
يالا أدينا بنجرب
طبعا هتسألوا هنتخيل ايه بالتحديد؟
هنتخيل إننا متنا يالا نبدأ يالا مستعدين هنقول بسم الله ونبدأ عيش معاي لحظة بلحظة يالا بينا
بسم الله
إحنا دلوقتي نيمين على السرير وفي ناس كتير واقفة جانبنا بيعيطوا أوي
مين إلي واقفين دول؟
اااه دول العائلة والأصحاب
بابا وماما وأخوية وأختي وعمي وعمتي وخالي وخالتي والأصحاب
ايه دا فين صحابنا الي كنا بنسهر معاهم على القهوة فين إلي كنا بنخش السينما معاهم فين إلي كنا بنشرب محرمات معاهم
إيه دا
راحوا فين
اااااااااه دول سبونا طيب ماشي
شوية كدا ومبقناش حسييين بأي حاجة وسكت المكان من حولينا
سكوووووووووووووووووووووووووت
جيه شخص غريب أول مرة نشوفه مين دا
دا ملك الموت
جي خلاص هياخد روحنا
يا خبر
طب ثواني هروح أصلي ركعتين طب أقرأ آية واحدة طب أذكر الله ولو مرة ثواني هي ثواني بس
لالالالالالالالالالالالالالا
كل شيء إنتهى وفات الاوان دلوقتي هياخد الروح
يا ترى هيقول يا أيتها النفس المطمئنة إرجعي إلى ربك راضية مرضية فادخلي في عبادي وادخلي جنتي
ولا هيقول ايه
الله أعلم
خلاص الملك خد رحنا طب هننطق الشهادتين
الله أعلم على حسب حالنا في الدنيا بقى
خلااااااااااااااااااااص خد الروح
جيه راجل كدا وجردنا من الهدوم وصب علينا مية كتير وعطرنا
شوية قعد ينادي على أهلنا هاتو الكفن
الكفن؟ فين القميص في التشيرت في طب فين الجيبة في البلوزة فين كل دا
لا خلاص مبقاش في دلوقتي مفيش غير موضة واحدة ولبس واحد وهو الكفن
خلاص كفنونا
شوية وشالونا ونيمونا على خشبة طويلة كدا
ومشيين
إيه دا ريحين على فين استنوا انتوا مشيين بيا فين
ااااااه دول ريحين على بيتنا الجديد بيتنا بيت اول مرة هنزوره
خلاص دول مشيين وبيمدوا وأهلنا ورانا عملين بيعيطوا
خلاص البيت قرب
إيه دا إحنا وصلنا
يا خبر فين البيت دا مكان كله تراب ونازل لتحت كدا وظلام وشكله مريب
هو دا بقى القبر بيتنا الجديد
خلاص دخلونا البيت وقفلوا علينا
هنقعد وحدنا؟ فين بابا فين ماما فين أختي فين أخوية فين أصحابي عايزهم يقعدوا معاي
لالالالالالالالالالا خلاص كله مشي وسابنا
شوية والمكان بدأ يضيق بينا ويضمنا أوي أوي
اااااااااااااااااااااااااه
ااااااااااااااااااااااااه
اااااااااااااااااااااااه
دي ضمة مؤلمة جداااااااا
شوية وجيه شخصين كبار أجسامهم فظيعة إسمهم منكر ونكير
عايزين مننا ايه يا ترى هيقولوا ايه
بدأوا يتكلموا من ربك
ما دينك
من النبي الذي بعث فيك
مش عارف أتكلم مش عارف أقول ايه كل سؤال بنتسإله بنقول
ها ها ها
شوية وسبونا الملكين وجيه رجل لابس أسود ووشه أسود وطالع منه ريحة نتنة وعفنة
انت مين؟
أنا عملك الطالح
شوية والمكان كله بقى ناااااااااااااااااااااار
فظيييييييييييييييييعة
بقى حفرة من النيران
عملين بنتعذب وبنتشوي ومحدش حاسس بينا
ابونا إتشغل في إخواتنا وأمهاتنا نسيتنا وأصحابنا نسيونا
والبنات الي كنا بنمشي معاهم في الحرام سبونا
محدش سأل فينا
شوية واتفتح القبر
خلاص هنخرج اهو هانت
وبنخرج لاقينا نفسنا وقفين عرينين من غير هدوم والمكان حر جدااااااااااااا
وهنموت من العطش
الشمس مفيش بينها وبيننا فاصل غير شبر واحد
يا فرج الله دا في ظل هناك اهو يالا نروح
لالالا دا مطلعشي تبعنا ددول سبعة ظلهم الله في ظله إحنا مش منهم يا خسارة
طب عيزين نشرب
يا فرج الله دا سيدنا محمد هناك أهو بيشرب الناس يالا
لالالالا الملائكة بتدفنا النبي بيقول سبوهم وهم يردوا عليه: إنك لا تدري ماذا أحدثوا بعدك
النبي يرد سحقا سحقا بعدا بعدا
خلاص مش هنشرب؟ وا اسفاه
يا خبر دا خلاص ربنا بينادي علينا عشان يحاسبنا هنقول ايه هنعمل ايه
ربنا بيسأل
عمرك عملت فيه إيه
شبابك ضيعتوا في إيه
مالك جبتو منين وصرفتو في إيه
مش عارفين نرد مفيش إجابة
وقبليها صحائفنا بتطير كنا عايزين نمسكها بإدنا اليمين لكن مسكناها بالشمال
وربنا دلوقتي بيسالنا الأسئلة دي
مش عارفين نرد
خلاص سكتنا
جم يوزنوا حسناتنا وسيئتنا على الميزان
السيئات هي الي رجحت
دلوقتي هنمشي على شيء أدق من الشعرة أحد من السيف
وتحتيه النار
جينا بنعدي
اااااااااااااااااااااااااااااااااااااااااااااه
وقعنا في النار
وذقنا عذاب النار وشربنا ماء النار وقعدنا على النار ونمنا في النار
كل حياتنا أصبحت نار في نار
عملين بنقول يا ريتنا كنا عملنا الصالحات
ياريتا صلينا وصمنا وزكينا ياريتنا سبحنا وذكرنا الله
ياريتنا معملنا ذنوب ولا معاصي
ياريتنا مشينا مع النبي والصحابة
يا خسارة يا ألف خسارة
يا ريتني بطلت السجارة ياريتنا عاملت أبوية وأمي حلو
ألف خسارة
كل شيء فات أوانه خلاص.
حبيبي في الله خلاص فوقوا
إحنا لسه ممتناش لسه عايشين
خلاص خلص التخيل
لسه إحنا على قيد الحياة
الحمد لله
ها بقى هنرجع ولا هنستمر على إلي إحنا فيه عشان يبقى مصرنا زي مشفنا
فرصة دلوقتي وإحنا عيشين نعمل كل الطاعات
عشان ساعة الموت مش هينفع تأخره ولو ثانية واحدة
إحسبها صح ورتب أمورك صح
أترككم في رعاية الله
والسلام عليكم ورحمة الله وبركاته