هذه قصيدة تسمى عظمة محمد صلى الله عليه وسلم بالعامية للشاعر سيد الموجي يقول فيها:

شئ مش جديد إنهم يتحكموا فينا
أو ينهبوا خيرنا أو يحتلوا أراضينا
لكن هجوم الرعاع على خير خلق الله
مأساة تهون بعدها كافة مآسينا !
****
لو ندل دانماركى أوحى له غروره فى يوم
يرسم كاريكاتير مسئ للمصطفى المعصوم
فمن واجبنا نرد على الهجوم بهجوم
يرضى ضميرنا ويشفى اللى انجرح فينا !
****
لا نقول سياسة ولا بروتوكول ولا اعتذارات
ولا مفاوضات ولا تَبَاحُث فى مـؤتمـرات
لكن نواجه عدو الله بكل ثبات
وربنا وقت شدتنا يقوِّينا !
****
تبت يدا كل من مسك القلم ورسم
صور بذيئة مسيئة للرسول وحسم
موقف عداء الصليبيين لنا ، وأكم
أساءوا للمصطفى فى حاضرنا وماضينا !
****
لكن برغم الهجوم المر شايفه مفيد
مش جايز الأمة من بعد التراخى تعيد
أمجادها وتقرب اللى كان عليها بعيد
مش جايز الكلب لما نبح يصحينا ؟ !
****
ولأن إسلامنا دين العدل والإنصاف
الحق بنقوله مهما يدب بينا خلاف
وصوتنا عالى لا بنطاطى ولا بنخاف
إلا من العاطى خالقنا وبارينا !
****
(برنارد شو) قال و(مايكل هارت) أكِّدْهَا
الإنسانية مُحَمّد هو سَيِّدها
واللى قالوه كان شهادة حق بنعيدها
شــهادة من أهـلهم مش مـن أهـالينا !
****
عَظَمة محمد حقيقة ماتحتملش جدال
شهد بها فى علاه الواحد المتعال
ومهما قالوا عليه السفلة والأندال
صورته هتزداد جلال فى قلوبنا وعنينا !!
****
عظمة محمد جليَّة زى شمس الكون
وكافر اللى يشكِّك فيها أو مجنون
باقية بفضل اللى خـلقه بســـر كـن فيكون
برغم تشكيك أو استهزاء أعادينا
****
سبحانه رب العباد زكاه فى قرآنه
ورفع مابين الرسل والأنبياء شانه
ومن وساوس أباليس الوجود صانه
وأرسـله بهَــدْيُه يرشــدنا ويهــدينا
****
سبحانه من أرسله للعالمين كافة
وجعله رمز العطاء والصدق والعفة
بلَّغ رسالته بأمانة وبالعهود وفََّّى
وبكل حب ارتضى الإسلام لنا دينا

بأبي وأمي يارسول الله
بارك الله فيك وأثابك وجعلك في منزله الشهداء